Oraza aıtqa oraı Ózbekstan prezıdenti 426 adamǵa raqymshylyq jasady

<p>TAShKENT. KAZINFORM &ndash; Oraza aıt qarsańynda Ózbekstan prezıdenti Shavkat Mırzıeev &laquo;Jazasyn ótep jatqan, istegen isine ókinetin jáne ómirin ózgertýge bet alǵan adamdar tobyna raqymshylyq jasaý&raquo; jarlyǵyna qol qoıdy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Jarlyqqa saı, 426 adamǵa raqymshylyq jasaldy. Olardyń ishinde 135 sottalǵan negizgi jazasyn óteýden tolyq bosatylsa, 200 adam merziminen buryn shartty túrde bostandyqqa shyǵady. Sonymen qosa, 26 adamnyń jazasy jeńildetilip, bas bostandyǵynan aıyrylǵan 65 azamattyń merzimderi qysqardy.

«Raqymshylyq jasalǵandardyń qatarynda shet memleketterdiń 11 azamaty, 50 áıel, 60 jastan asqan 13 er adam, 30 jasqa deıingi 157 adam (onyń ishinde úsheýi kámeletke tolmaǵandar), sondaı-aq tyıym salynǵan uıymdardyń qyzmetine qatysqan 5 adam bar», - delingen Ózbekstan basshysynyń baspasóz qyzmeti taratqan habarlamada.

Jarlyqty oryndaý sheńberinde jaýapty vedomstvolarǵa raqymshylyq alǵan adamdardy otbasyna qaıtarý, olardyń qoǵamǵa beıimdelýine járdemdesý jáne jumysqa ornalastyrý jóninde tapsyrmalar berildi.

Qosa ketsek, buǵan deıin Túrikmenstan prezıdenti Serdar Berdimuhamedov Qadir túnine oraı 356 tutqynǵa raqymshylyq jasaǵan edi.