Oraza aıt – adamgershilikke, qaıyrymdylyqqa úndeıtin meıram - Asqar Mamın

NUR-SULTAN. QazAqparat - QR Premer-mınıstri Asqar Mamın Qazaqstan musylmandaryn Oraza aıt merekesimen quttyqtady, dep habarlaıdy QazAqparat primeminister.kz-ke silteme jasap.

«Barshańyzdy qasıetti Oraza aıt merekesimen quttyqtaımyn. Ulyq meıram adamgershilikke, meıirim men qaıyrymdylyqqa úndeıtin, senim men erik-jigerdi nyǵaıtatyn Ramazan aıynyń aıaqtalǵanyn bildiredi.

Alla Taǵala nıet etken jandardyń ıgi isterin, duǵalary men tutqan orazasyn qabyl etsin! Musylmandardyń osy qasıetti aıda jasaǵan barlyq rýhanı jáne sharapaty mol izgi amaldary jyl boıyna ulasyp, kelesi Ramazan aıynda eselene bersin.

Barlyq qazaqstandyqtarǵa myqty densaýlyq, tatýlyq pen ıgilik tileımin!», - dedi Asqar Mamın.