Oraza – 2022: Dinı aqparat berý ortalyǵy ashyldy

NUR-SULTAN. QazAqparat – Ramazan aıy tusynda Qazaqstan musylmandary dinı musylmandary basqarmasy janynan azamattarǵa dinı aqparat berý ortalyǵy ashyldy, dep habarlaıdy QazAqparat tilshisi.

«Sharıǵatymyz boıynsha balıǵatqa tolǵan, aqyl-esi durys árbir musylmanǵa ramazan aıynda oraza ustaý – paryz. Alaıda, jolaýshylarǵa, syrqattanǵan nemese densaýlyǵy nashar adamdar aýrýynyń asqynýynan qaýiptense jáne senimdi dáriger uzaq ýaqyt boıy ashyǵýdan densaýlyǵy kúrt nasharlap ketýi múmkin degen sheshim qabyldasa, sondaı-aq júkti nemese omyraýda balasy bar áıelderge oraza tutýdy keıinge qaldyrýǵa sharıǵatymyz ruqsat beredi», - dedi Naýryzbaı qajy Taǵanuly ortalyq kommýnıkatsııalar qyzmetinde ótken baspasóz máslıhatynda.

Sondaı-aq, bas múftı elordada dinı aqparat berý ortalyǵynyń iske qosylǵanyn jetkizdi.

«Eger orazaǵa, jalpy dinı máselege qatysty qandaı da suraqtaryńyz bolsa Qazaqstan musylmandary dinı basqarmasy janynan dinı aqparat berý ortalyǵy ashylǵanyn qaperlerińizge salamyn. Jamaǵattyń suraǵyna der kezinde jaýap beretin ortalyqtyń nómiri – 33-30-30. Ortalyqqa Nur-Sultan qalasynyń kody arqyly telefon shalýǵa bolady», - deıdi ol.

Onyń aıtýynsha, din salasynyń bilikti mamandary táýlik boıy qazaq jáne orys tilindegi suraqtarǵa jaýap beredi.

Buǵan deıin basqarma tóraǵasy bıylǵy Orazanyń Ózbekstan, Qyrǵyzstan elderimen keńesip belgileýdiń sebebin túsindirdi.