Orasan zor baılyǵyn qaıdan tapqanyn túsindire almaǵan qazaqstandyqtyń $10 mln aktıvi memleketke alyndy

<p>ASTANA. KAZINFORM — Bas prokýratýra 10 mln dollardan astam túsiniksiz baılyqqa qatysty alǵashqy sot aktisi oryndalǵanyn habarlady. </p>

«Zańsyz ıemdenilgen aktıvterdi memleketke qaıtarý týraly» zań sýbektisiniń aktıvterdi ıemdený kózderiniń zańdylyǵyn monıtorıngileý jáne taldaý sheńberinde onymen úlestes tulǵalarda paıda bolýy túsiniksiz aktıvteri anyqtaldy.

Bıyl aktıvterdi qaıtarý jónindegi komıtet 10 mln AQSh dollarynan astam somaǵa aktıvterdi memleket kirisine aınaldyrý týraly talap aryz berdi.

Sot otyrysy barysynda jaýapkerler ózderine tıesili aktıvterdi ıemdený kózderiniń zańdylyǵyn dáleldeı almady.

Birinshi satydaǵy sot aktıvterdi qaıtarý komıtetiniń talaptaryn tolyq qanaǵattandyrdy, sot alqasynyń qaýlysymen jaýapkerlerdiń apellıatsııalyq shaǵymy qanaǵattandyrýsyz qaldyryldy.

Sot sheshimin oryndaý sheńberinde qolma-qol aqsha, qymbat zergerlik buıymdar, sarapshylardyń pikirinshe túbiri Saq dáýirinen bastalatyn tarıhı-mádenı murazattary memleket kirisine aınaldyryldy.

Bul jaǵdaıda aktıvterdi májbúrlep qaıtarý mehanızmi qoldanylǵanyna qaramastan, aktıvterdi erikti túrde qaıtarýdy yntalandyrý — zańsyz ıemdenilgen aktıvterdi memleketke qaıtarý týraly zańnyń negizgi qaǵıdaty bolyp qala beredi.