Oraldyqtar akademık Zeınolla Qabdolovty eske aldy
«Rýhanı jańǵyrý» baǵdarlamasy aıasynda «Ańyz tulǵa: ustaz, ǵalym, jazýshy» taqyrybynda ótken konferentsııa maqsaty Zeınolla Qabdolovtyń ǵylymı jáne ádebı murasyn qazirgi zaman turǵysynan tereń tanytý, otandyq ádebıettanýǵa qosqan úlesin aıqyndaı túsý bolatyn.
Ýnıversıtet rektory, pedagogıka ǵylymdarynyń doktory, akademık Ashat Imanǵalıev Zeınolla Qabdolovtaı dýaly aýyz sóz zergeriniń aıtqan ónegeli oı-pikirleri ultty eldik pen birlikkke úndegenin atap ótti. Ol qazaq qaýymynyń rýhanı ómirinde azamattyq pen kisiliktiń, kishilik pen zııalylyqtyń shynaıy úlgisi bola bildi.
Aqyn, Qazaqstan Jazýshylar odaǵy BQO fılıalynyń tóraıymy Aqushtap Baqtygereeva artyna «Ádebıet - ardyń isi» degen uly sóz qaldyrǵan akademık Zeınolla Qabdolovtyń eńbekteri qazaqtyń máńgilik murasy bolyp qala beretinin jetkizdi.
Konferentsııada sondaı-aq ǵalymdar Murat Sabyr, Quspan Aronov, Ǵabıt Hasanov, Abat Qydyrshaev akademıktiń san qyrly qadyr-qasıetine toqtaldy.
«Konferentsııada akademık Zeınolla Qabdolovqa qatysty estelikter jınaǵyn shyǵarý jóninde oı aıtyldy. Kórshiles Atyraý oblysy Qyzylqoǵa aýdanynan túlep ushqan ǵalym kózi tirisinde Aq Jaıyqqa talaı keldi. Sonyń ishinde Oral pedagogıkalyq ınstıtýtynda (qazirgi BQMÝ) dáris oqydy. Osy Oraldyń ózinen belgili ádebıettanýshy-ǵalym Serikqalı Sharabasovtaı shákirtter tárbıeledi. Qazirgi stýdentterdiń de akademık eńbekterin qolyna alyp, sóz óneriniń tereńine boılaı beretini anyq», dedi «QazAqparat» tilshisine fılologııa fakýltetiniń dekany Zeınolla Mútıev.