Oraldyq eriktiler jalǵyzbasty ananyń úıin jóndep berdi
Batysqazaqstandyq ánshi ári toı uıymdastyrýshy Qudaıbergen Sultanııarovtyń aıtýynsha, buryn poezdyń vagonynda turyp kelgen jalǵyz basty áıelge jergilikti bılik tarapynan qoldaý kórsetilip, baspana berilgen.
«Sol úıdi «Aqjaıyq jastary» eriktileriniń kúshimen bir aptanyń ishinde jóndep berdik. Men qarjysyn uıymdastyrdym. Qazir Aınur esimdi áıel men onyń uly Salamat syńǵyrlaǵan úıde turyp jatyr», deıdi Qudaıbergen.
Instagram jelisindegi óziniń paraqshasynda 100 teńgeden qaıyrymdylyq chellendjin uıymdastyrǵan Q.Sultanııarovtyń tótenshe jaǵdaı kezinde uıytqy bolǵan sharalary barshylyq.
Atap aıtqanda, kúni búginge deıin 18 ota jasalyp, óte aýyr halde jatqan Ádilhan esimdi balaǵa 450 myń teńgeniń kómegin kórsetti. Budan keıin de onyń emine qarjylaı járdem bermekshi.
Balalar úıine serýenge jáne oıynǵa arnalǵan kerek qural-jabdyqtaryn jetkizgen erikti sonymen qatar 60 otbasyna azyq-túlik aparyp berdi.
«Árıne, munyń bárin men jalǵyz ózim atqara almas edim. Sonyń ishinde óz esimin aıtpaýdy ótingen osy eldiń bir azamatyn erekshe ataǵym keledi. Ol kisi barlyq bastamalaryma qoldaý kórsetip, arasynda qomaqty qarjy bólip otyrady. Osyndaı birliktiń arqasynda bul qıyn kezeńnen de aman ótermiz dep senemin», dedi QazAqparat tilshisine Qudaıbergen Sultanııarov.
Eske sala keteıik, budan buryn Oralda kásipker qyz-kelinshekterdiń kópbalaly analarǵa qolushyn sozǵanyn, BQO-da sońǵy tirkelgen 10 naýqastyń 9-y Reseıden kelgenin jazǵan