Oraldyq oqýshy halyqaralyq dron ushyrý chempıonatynda úzdik atandy

<p>ORAL. KAZINFORM - Tatarstannyń astanasy Qazan qalasynda dron jarysynan alǵashqy halyqaralyq mýltısporttyq Games of the Future týrnıri ótti. Oǵan álemniń 107 elinen, sonyń ishinde Qytaı, Ońtústik Koreıa, Frantsııa jáne basqa elderden 2000-nan astam sportshy qatysty.&nbsp;</p>

Jarys qorytyndysy boıynsha qazaqstandyqtar dron ushyrý boıynsha úzik 6 komandaǵa kirdi.

Positive Technologies — «Drondar jarysy» kýrsy boıynsha aýqymdy chempıonatta Qazaqstan namysyn «Aspan» dep atalatyn qurama qorǵady.

Onyń quramynda Oral qalasynyń № 44 mektep-gımnazııasynyń oqýshysy Danııal Kazımov boldy. Ol nebári 15 jasta, drondarmen aınalysa bastaǵanyna kóp bolmasa da, halyqaralyq jarystarǵa qatysyp úlgerdi.

«Drondarmen qazan aıynan beri aınalysyp júrmin. Ózim de tań qaldym, sebebi mundaı deńgeıge qol jetkizý — óte keremet. Jarystyń aýqymy da úlken», — dedi jas dron ushyrǵysh Danııal Kazımov.

Aıta keteıik, Aspan — Oral qalasynan kelgen dron-jarys boıynsha kásibı komanda.

«Aspan — drondar jarysy» kýrsynda Qazaqstannyń atynan qatysqan jalǵyz komanda. Sonymen qatar, qazaqstandyq komanda alǵash ret osy sanattaǵy halyqaralyq jarystarǵa qatysty. Munda ártúrli elderdiń úzdik ushqyshtary óz daǵdylaryn kórsetý úshin bas qosty. Osyndaı kóptegen komandalardyń ishinen biz altynshy orynǵa ıe boldyq, bul — jaqsy kórsetkish. Danııal dron basqarý boıynsha Qazaqstannyń úzdik ushqyshy atandy», -dep atap ótti Aspan Drone qoǵamdyq birlestiginiń negizin qalaýshy Aslanbek Amınov. 

Aıta keteıik, 250 myń dollar júlde qory úshin Belarýs, Bolgarııa, Vengrııa, Germanııa, Úndistan, Qazaqstan, Qytaı, Reseı, Serbııa, Túrkııa, Frantsııa jáne Ońtústik Koreıa komandalary baq synasty.

«Bolashaq oıyndary» shynaıy jáne vırtýaldy ólshemderdegi fıdjıtal-pánder boıynsha ekinshi mýltısporttyq týrnır 2025 jyly ótedi.

Qazaqstan men Ózbekstan halyqaralyq jarystardy qabyldaýǵa nıet bildirdi.

Esterińizge sala keteıik, «Bolashaq oıyndary» — jalpy júlde qory 10 mln dollar bolatyn dıdjıtal-sport tujyrymdamasyndaǵy alǵashqy halyqaralyq mýltısporttyq týrnır.

Týrnır 21 aqpan men 3 naýryz aralyǵynda qazanda ótti.

Týrnırge álemniń túrli elderinen 260-tan astam halyqaralyq komanda jáne eki myńnan astam qatysýshy qatysty.