Oraldan Shymkentke ushaqtar qatynaı bastaıdy
20:19, 26 Mamyr 2024
<p>ORAL. KAZINFORM – Mánshúk Mámetova atyndaǵy Oral halyqaralyq áýejaıynan Shymkentke 4 maýsymnan bastap maýsymdyq reıster ashylady. </p>
«Oral halyqaralyq áýejaıy» JShS-nyń baspasóz qyzmetinen málim etkenindeı, reıster aptasyna eki ret, seısenbi jáne juma kúnderi qatynaıdy.
Elimizdegi eń úlken megapolıske ushýdy Fly Arystan loýkosteri 180-oryndyq Airbus A-320 zamanaýı áýe laınerlerinde oryndaıdy. Reıster jaz aıyna josparlanǵan.
«Biz úshin basty maqsattyń biri – el ishinde suranysqa ıe baǵyttar boıynsha tikeleı reısterdiń sanyn arttyrý. Sonyń biri – Shymkent», - dep atap ótti áýejaıdyń bas dırektory Rýstam Bektemirov.
Bıletter FlyArystan áýe kompanııasynyń saıtynda satylyp jatyr.
Eske sala keteıik, budan buryn Oralǵa bet alǵan ushaqta júregi ustaǵan jolaýshyǵa kómektesken dárigerdiń kim ekeni anyqtalǵanyn jazǵan bolatynbyz.