ORAL. KAZINFORM — 2026 jylǵy 4 maýsymnan bastap Pegasus Airlines áýe kompanııasy Oral – Ystanbul baǵytynda turaqty reısterdi oryndaıdy.
«Oral halyqaralyq áýejaıy» JShS-nyń baspasóz qyzmetinen málim etkenindeı, reıster aptasyna eki ret — beısenbi jáne jeksenbi kúnderi júzege asyrylady.
Ystanbul — iri kólik jáne týrıstik ortalyqtardyń biri, ol iskerlik saparlar men demalys úshin, sondaı-aq ári qaraı halyqaralyq baǵyttarǵa yńǵaıly qosylýǵa múmkindik beredi.
Tikeleı reıstiń ashylýy jol júrý ýaqytyn qysqartyp, Batys Qazaqstan oblysy turǵyndary úshin halyqaralyq baǵyttardyń qoljetimdiligin arttyrady.
Eske sala keteıik, budan buryn Astana-Oral baǵytyndaǵy ushaq bortynda júkti kelinshektiń tolǵaǵy ustap qalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).