Oraldaǵy Park otel kesheniniń saýnasy otqa orandy

ORAL. QazAqparat – Oral qalasyndaǵy «Park otel» kesheniniń saýnasy otqa orandy, dep habarlaıdy QazAqparat tilshisi.

BQO TJ departamentiniń baspasóz qyzmetinen málim etkenindeı, oqıǵa 8 qyrkúıek kúni «Samal-3» shaǵyn aýdanynda boldy.

«Saǵat 11.27-de «Park otel» aýmaǵynda órt shyqqany jóninde habar tústi. Oqıǵa ornyna jedel jetken órt sóndirýshiler bólek turǵan saýna ǵımaratynyń ishinde aýmaǵy 100 sharshy metr ishki qaptaýlar men jıhazdyń janyp jatqanyn anyqtady. «Tilsiz jaý» saǵat 12.10-da oqshaýlanyp, 12.42-de tolyqtaı aýyzdyqtaldy. Oǵan barlyǵy 38 adam, 11 tehnıka jumyldyryldy. Zardap shekkender joq. Qazirgi kezde órttiń shyǵý sebebi, keltirilgen shyǵyn anyqtalý ústinde», - dep habarlady vedomstvodan.

Eske sala keteıik, budan buryn Oralda toǵyz qabatty úı órtenip, 2 adamnyń qaza tapqanyn jazǵan bolatynbyz.