Oraldaǵy aýtızm ortalyǵyna kórshiles óńirlerden de balalar keledi
Aldymen «Asyl Mıras» aýtızm ortalyǵynda ashyq esik kúni ótip, alty baǵdarlama boıynsha jasalyp jatqan jumystar tanystyryldy.
Atalmysh ortalyqtyń sýpervaızeri Aınagúl Esenǵalıevanyń aıtýynsha, qazirgi kezde 200-ge jýyq balaǵa dáris berilýde. Bir kýrsqa 30-40 bala alynady. Olarǵa kelgen kezde dıagnostıka jasalady. Sodan keıin alty baǵdarlama boıynsha ár pedagog balamen jeke jumys jasaıdy. Ol aptasyna úsh ret sabaq beredi. Dıagnostıkalyq tekserýlerin, fýnktsıonaldyq taldaýlaryn sanamaǵanda, úsh aıda 36 sabaq beriledi.
«Barlyq oqytý tásilderine ata-analar birge qatysady. Bul balalardy beıimdeýmen birge ata-analardyń alǵan bilim-tájirıbesin ári qaraı paıdalanýy úshin kerek. Bul Aqtóbeden basqa batys óńirge ortaq ortalyq bolyp esepteledi. Sondyqtan bizge Mańǵystaý, Atyraý oblystarynan keledi. Alys aýyl-aımaqtardan keletinder úshin, mysaly, jaz mezgili qolaıly», - deıdi A.Esenǵalıeva.
Onyń sózine qaraǵanda, balanyń beıim-qabiletin damytý úshin erte bastaǵan, dúnıege kelgen kúnnen bastaǵan durys. Alaıda kóbi birden kelmeı, ýaqyt sozyp alady. Sondyqtan úsh jastan joǵarylar arasynda kezek kóbeıip ketedi.
Aýtızm kúni aıasynda sondaı-aq qaladaǵy №21 orta mektepte «Ár bala mektepke barýǵa laıyqty» degen taqyrypta konferentsııa ótip, mamandar pikir alysty.
Bul mektepte jeti aýtıst bala tájirıbe túrinde arnaıy synypta oqıdy. Olar basqa oqýshylarmen birge mektepke keledi. Sodan keıin maman-pedagogtar sabaq beredi.
Sýretterdi túsirgen Oksana Katkova