Oraldaǵy «Shańyraq» jasóspirimder úıi kúrdeli jóndeýden ótti
74 bólmesi men 106 orynǵa arnalǵan ǵımarat turǵyndarǵa taǵy da esigin aıqara ashty.
Jasóspirimder úıinde 25 pen 53 jas aralyǵyndaǵy 67 túlek jáne kámeletke tolmaǵan 78 bala turady.
Kúrdeli jóndeýge qarjylandyrý 2023 jylǵy naýryzda jergilikti bıýdjetten 575 mln 974 myń teńge kóleminde bólindi.
Konkýrstyq rásimderdi ótkizý nátıjesinde jobanyń merdigeri «TasqalaTransGaz» JShS boldy.
Jumystar belgilengen merzimde oryndaldy jáne kúrdeli jóndeý 2024 jylǵy 20 maýsymǵa deıin aıaqtaldy.
2024 jyldyń 25 mamyrynan bastap irgeles aýmaqty abattandyrý, sonyń ishinde asfalt tóseý jáne oıyn alańdaryn abattandyrý jumystary bastaldy.
2024 jyldyń 10 sáýirinen bastap turǵyndar «Shańyraq» jasóspirimder úıine qaıta oraldy.
Jańartylǵan ǵımarattyń saltanatty ashylýyna Batys Qazaqstan oblysynyń ákimi N.Tóreǵalıev qatysty.
Ol jobanyń ómir súrý jaǵdaılaryn jaqsartý jáne óńirdiń áleýmettik ınfraqurylymyn damytý úshin mańyzdylyǵyn atap ótti.
«Shańyraq» jasóspirimder úıi endi qalada mańyzdy áleýmettik mıssııany jalǵastyra otyryp, óz turǵyndary úshin zamanaýı jáne jaıly jaǵdaı jasaıdy.