ORAL. KAZINFORM – BQO boıynsha memlekettik kirister departamentiniń aýmaqtyq bólimsheleri júrgizgen reıdtik is-sharalar barysynda «Mırlan» bazary men «Aıajan» saýda úıi aýmaǵynda sáıkestendirý quraldary men esepke alý-baqylaý markalary joq temeki ónimderin zańsyz satý derekteri anyqtaldy.
BQO boıynsha memlekettik kirister departamentiniń baspasóz qyzmetinen málim etkenindeı, tekserý nátıjesinde 8 236 qorap aktsızdik ónim tárkilendi.
Foto: BQO boıynsha memlekettik kirister departamenti- Anyqtalǵan derekter boıynsha ákimshilik is materıaldary túzilip, protsessýaldyq sheshim qabyldaý úshin sotqa joldandy. Departament esepke alý-baqylaý markalarynsyz temeki ónimderin satý QR zańnamasynyń buzylýy bolyp esepteletinin eske salady. Zańnama buzǵandar QR Ákimshilik quqyq buzýshylyq týraly kodekske sáıkes jaýapqa tartylady. Turǵyndarǵa aıtarymyz, tek zańdy ónimdi satyp alý kerek. Bul – adamdardyń densaýlyǵy úshin mańyzdy, - dep habarlady vedomstvodan.
Foto: BQO boıynsha memlekettik kirister departamentiEske sala keteıik, budan buryn BQO shekarasynda 2 500 qorap temeki ónimderi zańsyz tasymaldaýdyń joly kesilgenin jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).