Oraldaǵy ák zaýytynda jazataıym oqıǵa bolyp, jumysshy qaza tapty

<p>ORAL. KAZINFORM &ndash; Oralda ák zaýytynda qaza tapqan jumysshynyń ólimine qatysty tergeý júrgizilip jatyr.</p>

BQO eńbek ınspektsııasy boıynsha basqarmadan málim etkenindeı, atalǵan zaýytta 27 mamyrǵa qaraǵan túni shamamen saǵat 02.45-te bos vagondardy tasymaldaýshy, 1973 jylǵy er adam jazataıym oqıǵaǵa tap bolǵan.

«Bos vagondardy tasymaldaýshy avtomatty qalaýshyǵa qysylyp qalǵan. Saldarynan jedel járdem shaqyrtylyp, zardap shegýshini alyp ketken. QR Eńbek kodeksiniń 188-baby 4-tarmaǵy talaptaryna sáıkes 28 mamyr kúni jazataıym oqıǵaǵa arnaıy tergeý júrgizý úshin komıssııa qurý týraly buıryq shyǵaryldy. Eńbek ınspektorymen birge oqıǵa ornyna barylyp, foto-vıdeo fıksatsııa jasaldy. Basqarma arnaıy tergeý júrgizý úshin qajetti materıaldardy aldy», - dep habarlady vedomstvodan.

BQO Polıtsııa departamentiniń baspasóz qyzmeti jumysshynyń ólimi boıynsha Zachagan polıtsııa bóliminiń qylmystyq is qozǵaǵanyn jetkizdi. Saraptamalar taǵaıyndalyp, tergeý amaldary júrgizilip jatyr.

Eske sala keteıik, budan buryn Oralda jol apatynan skýter júrgizýshisi qaza tapqanyn jazǵan bolatynbyz.