ORAL. KAZINFORM - Oral qalasynda zorlyqpen óltirilgen er adamnyń múrdesi tabyldy.BQO polıtsııa departamenti baspasóz qyzmetinen túsken málimetke qaraǵanda, oqıǵa 2 aqpan kúni boldy.
«Tańǵy saǵat 08.10-da Dáýletkereı kóshesi boıyndaǵy úılerdiń biriniń janynan er adamnyń múrdesi tabyldy. Onyń denesinde zorlyq-zombylyq belgileri bolǵan. Kisi óltirý deregi boıynsha Abaı polıtsııa bólimi tergeý amaldaryn júrgizýde. Qazirgi kezde atalǵan qylmysty ashý jáne kúdiktini anyqtaýǵa baǵytttalǵan jedel izdestirý is-sharalary atqarylýda. Basqa aqparat QR Qylmystyq is júrgizý kodeksiniń 201-babyna sáıkes jarııalaýǵa jatpaıdy», dep habarlady vedomstvodan.
Eske sala keteıik, Oralda balabaqshada shkaftyń qulaýyna baılanysty qylmystyq is qozǵalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).