Oralda jumysshynyń kópirden qulap, mert bolýy: tergeý júrgizilýde

<p>ORAL. KAZINFORM &mdash; Oral qalasynda 47 jastaǵy jumysshynyń jaıaý kópirden Shaǵan ózenine qulap, mert bolýyna baılanysty tergeý júrgizilýde.</p>

BQO eńbek ınspektsııasy boıynsha basqarmadan túsken málimetke qaraǵanda, jumys berýshi mekeme – «Batys Aqjol Stroı» JShS-dan metall konstrýktsııalary montajdaýshysynyń jazataıym qazaǵa ushyraǵany jóninde habarlama túsken.

«Osyǵan baılanysty basqarma jazataıym oqıǵany arnaıy tekserý úshin komıssııa qurady. Oqıǵanyń mán-jaıy men sebep-saldary anyqtalatyn bolady», dep habarlady vedomstvodan.

BQO polıtsııa departamentiniń baspasóz qyzmeti qazirgi kezde atalǵan derek boıynsha sotqa deıingi tergeý amaldary júrgizilip jatqanyn jetkizdi.

Eske sala keteıik, budan buryn Oralda kópir jóndeý kezinde 47 jastaǵy jumysshynyń ózenge qulap, qaıtys bolǵanyn jazǵan edik.