Oralda jolaýshylar tasymaldaıtyn shaǵyn avtobýs janyp ketti

<p>ORAL. KAZINFORM &ndash; Oral qalasynda ortalyq bazar mańynda №1 baǵytta jolaýshylar tasymaldaıtyn &laquo;GAZel&raquo; avtobýsy órtendi.</p>

BQO TJ departamentiniń baspasóz qyzmetinen málim etkenindeı, oqıǵa 10 aqpan kúni saǵat 12.59-da Muhıt kóshesi boıynda boldy.

«Avtobýs aıaldamasy janynda «GAZel» avtokóligi jandy. «Tilsiz jaý» saǵat 13.10-da oqshaýlanyp, 13.14-te aýyzdyqtaldy. Zardap shekkender joq. Oqıǵa ornynda 5 adam 1 tehnıkamen jumys jasady. Qazirgi kezde órttiń shyǵý sebebi, keltirilgen shyǵyn anyqtalý ústinde», dep habarlady vedomstvodan.

Eske sala keteıik, budan buryn Batys Qazaqstanda erigen qar sýy joldy shaıyp ketkenin jazǵan bolatynbyz.