Oralda jolaýshylar avtobýstarynyń júrgizýshileri jumysqa shyqpaı qaldy

<p>ORAL. KAZINFORM &ndash; Oral qalasynda &laquo;Alyı parýs&raquo; JShS qyzmet etetin barlyq baǵyttar boıynsha avtobýstar júrgizýshileri tańmen jumysqa shyǵýdan bas tartty.</p>

Júrgizýshiler eńbek demalysyna ýaqytyly shyǵý múmkindiginiń joqtyǵy, sondaı-aq medıtsınalyq saqtandyrýǵa, zeınetaqy qoryna qarjynyń der kezinde aýdarylmaýy saldarynan týyndaıtyn qıyndyqtardy alǵa tartty.

Qala ákimdiginen alynǵan málimetke qaraǵanda, tańǵy reıs saǵat 06.00-de bastalsa, keshkisin 21.00-de aıaqtalýy tıis.

«Alyı parýs» JShS shahardaǵy №3, №3k, №14, №17, №35, №38, №51, sondaı-aq qala mańyndaǵy №55, №56 jáne №77 baǵyt boıynsha qyzmet etedi.

Qalyptasqan máseleni sheshý úshin saǵat 09.00-de oqıǵa ornyna qala ákimi Murat Baımenov pen osy salaǵa jetekshilik etetin orynbasary Azamat Halelov keldi.

Kásiporyn basshylyǵymen birge atalǵan baǵyttar boıynsha qatynaıtyn avtobýstar júrgizýshilerimen túsindirý jumystary júrgizildi. Qajetti sharalar alynǵannan keıin saǵat 11.00-de másele sheshilip, avtobýstar tıisti baǵyttarǵa oraldy.

- Bul baǵyttarda 40 avtobýs qatynaıdy. Ótken jyldyń 11 aıynda «Alyı parýs» JShS 898 mln teńge sýbsıdııaǵa ótinim berdi. Sonyń ishinde 545 mln teńge tólendi, bul – suralǵan qarjynyń 60 paıyzy. Júrgizýshilerdiń ortasha aılyq jalaqysy – 390 myń teńge. Kásiporynda 85 adam eńbek etedi, - dep habarlady vedomstvodan.

Eske sala keteıik, budan buryn Oral qalasynda jańa avtobýstar jolǵa shyqqanyn jazǵan bolatynbyz.