ORAL. QazAqparat – Oralda joǵalyp ketken 53 jastaǵy áıel 9 kúnnen beri izdestirilip jatyr, dep habarlaıdy QazAqparat tilshisi.
Áleýmettik jeliden málim bolǵanyndaı, Jumaǵanym Meńesheva 21 tamyz kúni Ǵ.Toqaı kóshesi 64-mekenjaıynda ornalasqan «Tań» dúkeninen shamamen saǵat 11.00-de shyǵyp ketkennen oralmaǵan.
Erekshe belgileri: boıy 163 sm, aryqsha kelgen, qoı kózdi, qara, qysqa shashty.
Ústine sur fýtbolka, qyzyl shalbar, aıaǵyna qyzyl krossovka kıgen. Ózimen birge uıaly telefony bolǵan.
Joǵalǵan áıel týraly aqparat bolsa, 8-777-184-04-90 nemese 102 telefonyna habarlasýǵa bolady.
BQO polıtsııa departamentiniń baspasóz qyzmeti oqıǵany rastady.
«Qazirgi tańda izdestirý jumystary jalǵasýda», dep habarlady vedomstvodan.
Eske sala keteıik, budan buryn BQO-da joǵalǵan 3 jasar qyzdyń ıisshil ıttiń kómegimen tabylǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).