Oralda Jeńis merekesine oraı «Qasyq qanym qalǵansha» atty spektakl qoıyldy

ORAL. QazAqparat - Batys Qazaqstan oblystyq qazaq drama teatrynda belgili jazýshy Borıs Vasılevtiń shyǵarmasy boıynsha «Qasyq qanym qalǵansha» atty jańa spektakldiń premerasy boldy, dep habarlaıdy «QazAqparat» tilshisi.

Uly Jeńistiń 72 jyldyǵyna arnalǵan qoıylymdy rejısser Jiger Myrzalıev sahnalady. Sýretshisi - Murat Mámbetov.
Spektakl Uly Otan soǵysyndaǵy qııan-keski shaıqastardy, Otan úshin arpalysty kóz aldyńa ákeledi. El basyna kún týǵan kezdegi adamdardyń jan dúnıesin ashyp kórsetedi. Qoıylymda Jasqaırat Valıýllıev leıtenant beınesin somdasa, Aıdar Jarylǵapov polıtrýk rólinde sahnaǵa shyqty. Aınur Vahıtova, Nurjigit Seıtmahanbetov, Dýlat Hamıtov, Qazaqstannyń eńbek sińirgen qaıratkeri Baqtygúl Jaqypova syndy teatr ártisteri de sátti oınaı bildi.

Aıta keteıik, bul - jas rejısser Jiger Myrzalıevtiń bıylǵy ekinshi qoıylymy. Munyń aldynda ol Ý.Shekspırdiń «Gamletin» sahnalaǵan bolatyn.