Oralda jeke kásipker 600 mln teńgeden astam salyq tóledi

<p>Qarjylyq monıtorıng agenttigi BQO boıynsha departamenti Oral qalasyndaǵy jeke kásipkerlerdiń salyq tóleýden jaltarý faktisi boıynsha sotqa deıingi tergep-tekserýdi aıaqtady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Tergeý anyqtaǵandaı, 2019-2020 jyldary qurylyspen aınalysqan jeke kásipker kórineý burmalanǵan málimetterdi salyq deklaratsııasyna negizsiz engizip, qyzmetterdi satyp alý somasyn asyra kóterip, osylaısha 605 mln teńgeden astam somaǵa salyq tóleýden jaltarǵan.

"Ósimpuldy eskere otyryp, óndirip alýǵa jatatyn soma 752 mln teńgeni quraıdy.

Sotqa deıingi tergeý toqtatyldy, sebebi kásipker óziniń kinásin moıyndap, salyqtar boıynsha bereshekti óz erkimen tóledi. Mundaı qylmystyq jaýaptylyqtan bosatý qylmystyq kodekstiń eskertpesinde kózdelgen", - dep jazdy departamentten.