Oralda jedel járdem kóligi órtenip ketti

ORAL. QazAqparat – Oral qalasynda jedel járdem kóligi órtenip ketti, dep habarlaıdy QazAqparat tilshisi.

BQO Tótenshe jaǵdaılar departamentiniń baspasóz qyzmetinen málim etkenindeı, oqıǵa 6 mamyr kúni saǵat 09.21-de Q.Mýsın kóshesi boıynda boldy.

«№4 qalalyq emhana mańynda jedel járdem kóligi otqa orandy. Avtokólik gazben jabdyqtalǵan, órt sóndirý quraly qoldanylǵan. Zardap shekkender joq. «Tilsiz jaýdyń» taralýy 09.41-de oqshaýlandyrylyp, saǵat 09.45-te aýyzdyqtaldy. Jyl basynan oblysta 29 avtokóliktiń órtengeni tirkelgen», - dep habarlady vedomstvodan.

Eske sala keteıik, budan buryn BQO-da kúshti jel ǵımarattar shatyryn julyp áketkenin jazǵan bolatynbyz.