Oralda Jaıyq jaǵasyndaǵy bógetterdi bıiktetý jumystary júrgizilip jatyr

<p>ORAL. KAZINFORM &ndash; Oral qalasynda Jaıyq ózeni jaǵasynyń alasa tustarynda bógetterdi bıiktetý jumystary júrgizilýde.&nbsp;</p>

«Osyndaı aýmaqtardyń biri – Kýrenı aýdanynda bógetter nyǵaıtylýda. Bul jerge qajetti qum toltyrylǵan qapshyqtar, ınertti materıaldar jetkizilip jatyr. Jalpy, Jaıyq ózeniniń jaǵasyn nyǵaıtýǵa 200-deı arnaıy tehnıka jumyldyrylmaq. Atalǵan jumys sý tasqyny qaýpi bar ózge de aýmaqtarda júrgiziledi», - dep habarlady Oral qalasy ákimdiginen. 

BQO TJ departamenti bastyǵynyń orynbasary Qanat Qarabalaevtyń aıtýynsha, oblys boıynsha barlyǵy 581 úı (Oralda – 23, Terekti aýdanynda – 151, Qaratóbede – 80, Syrymda – 204, Bórlide – 84, Báıterekte – 39), 245 aýla aýmaǵy, 427 saıajaı úıi sýǵa ketken. 

Óńirde 70 jol ýchaskesiniń ústinen sý ótse, 60 jol ýchaskesin sý shaıǵan. 

«Barlyǵy 7 039 adam evakýatsııalansa, sonyń 3 661-i – balalar. Evakýatsııalyq pýnktterde 1 455 adam qalsa, 604-i – balalar. 8 596 adam syıatyn osyndaı 161 qosyn ázirlengen», - dedi Q.Qarabalaev. 

«Qazgıdromet» RMK BQO fılıalynyń dırektory Tilegen Shapanovtyń bergen málimetine qaraǵanda, Jaıyq ózenindegi sý deńgeıi ıAnvartsev gıdrobeketinde 771 (qaýipti shegi – 1 250 sm), Oral qalasy tusynda 695 (850 sm), Kóshimde 637, Taıpaqta 315 santımetrge jetti. 

Eske sala keteıik, budan buryn Oral qalasynda 1957 jylǵy jaǵdaıdyń qaıtalanýy múmkin ekenin jazǵan bolatynbyz.

Sondaı-aq BQO ákimi Reseıdegi sý qoımalarynan kóp sý jiberilip jatqany jóninde turǵyndarǵa úndeý joldady.

BQO-da salqyn sýdan aýrý juqtyrý múmkindigi jóninde jalǵan aqparat tarady.