Oralda jataqhana men 9 qabatty úıde órt bolyp, birneshe adam qutqaryldy

<p>ORAL. KAZINFORM — Oral qalasynda 26 maýsym kúni jataqhana men 9 qabatty úıde órt bolyp, birneshe adam qutqaryldy.</p>

BQO TJ departamentiniń baspasóz qyzmetinen málim etkendeı, Et kombınaty kóshesi, 8 mekenjaıynda ornalasqan 5 qabatty jataqhanada 2 sharshy metr alańda úı zattary men qoqys janǵan. 

Qutqarýshylar shaqyrý ornyna kelgennen keıin janyp jatqan bólmede bir adamnyń bar ekeni anyqtaldy.

Órt sóndirýshiler kireberis esikti ashyp, 2009 jyly týǵan qyz balany qutqaryp, ony jedel járdem qyzmetkerlerine tapsyrdy.

Órt sóndirýshilerdiń jedel jumysynyń arqasynda órt tez sóndirildi. 

Foto: TJM

Sonymen qatar Zachagan kentinde 9 qabatty úıdiń 6-qabatynda ornalasqan páterde 22 sharshy metr aýmaqta úı zattary men jıhaz otqa orandy. 

Qutqarýshylar 3 adamdy qutqaryp, 4 adamdy evakýatsııalady.

Órt sóndirýshilerdiń jedel is-qımyly nátıjesinde «tilsiz jaý» 28 mınýttyń ishinde aýyzdyqtaldy. Zardap shekkender joq.

Qazirgi kezde eki órttiń shyǵý sebebi anyqtalý ústinde. 

BQO densaýlyq saqtaý basqarmasy baspasóz qyzmetiniń naqtylaýynsha, 2009 jylǵy qyz bala oblystyq kópbeıindi balalar aýrýhanasynda tekserýden ótkizilip, ambýlatorlyq em alýǵa jiberildi. 

Eske sala keteıik, budan buryn Oralda apatqa baılanysty qalanyń birqatar bóligi jaryqsyz qalǵanyn jazǵan bolatynbyz.