Oralda jasóspirim qyzdyń soqqyǵa jyǵylýyna baılanysty qylmystyq is qozǵaldy
Kýágerdiń Instagram áleýmettik jelisinde málim etkenindeı, oqıǵa 7 shilde kúni boldy.
Onyń jazýyna qaraǵanda, eki jasóspirim qyz kámeletke tolmaǵan qurbysynyń ishinen judyryqpen urǵan. Qyz qulap, basyn tasqa soqqan, aıaǵynda jaraqaty bar.
«Osynyń bári eki ul balanyń kózinshe boldy. Olardyń biri qyzdy serýendeýge shaqyrǵan. Sol jerde eki burynǵy qurbysy kútip turǵan. Qazirgi kezde anasy men qyzy polıtsııa bólimshesinde, olardan jaýap alynýda», dep jazdy kýáger.
BQO polıtsııa departamentiniń baspasóz qyzmeti oqıǵany rastap, qasaqana densaýlyqqa jeńil zııan keltirý deregi boıynsha qylmystyq is qozǵalǵanyn jetkizdi. Tergeý amaldary júrgizilýde.
Eske sala keteıik, budan buryn Aqsaı qalasynda 22 jastaǵy jigitti óltirgen turǵynnyń ustalǵanyn jazǵan bolatynbyz.