Oralda jaryq sónip, baǵdarsham isten shyqqanda polıtseı kólikterge gazetpen baǵyt berdi

ORAL. QazAqparat - Oral qalasynda jaryq sónip, baǵdarsham jumys istemegende, polıtsııa qyzmetkeri júrgizýshilerge gazetpen baǵyt berdi, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa 14 maýsym kúni boldy.

Qalanyń birneshe shaǵynaýdanynda jaryq óship, baǵdarshamdar jumys jasamady.

Ásirese, shamamen saǵat 16.15-te Ábilqaıyr han dańǵyly men Syrym Datuly kóshesi qıylysynda jol keptelisi bolyp, avtokóliktiń júrýi qıyndady.

Sol kezde kepteliske tap bolǵan, ózi kezekti eńbek demalysynda júrgen polıtsııa aǵa leıtenanty Rýslan Jeksenov avtokóligin turaqqa qoıǵan.

Sosyn qolyna ilikken gazetti arnaıy taıaqsha ornyna qoldanyp, baǵyt-baǵdar jasady.

«Jolaýshylar men júrgizýshiler osy sátti beınekameraǵa túsirip, áleýmettik jelide jarııalaǵan. Rýslan Málikulynyń kepteliske beıjaı qaramaı, júrgizýshilerge kómekteskeni turǵyndar tarapynan qyzý qoldaý týǵyzdy», - dep habarlady vedomstvodan.