Oralda jańbyr saldarynan kópqabatty úılerdiń jertólesine sý kirdi
BQO TJ departamentiniń baspasóz qyzmetinen túsken málimetke qaraǵanda, sondaı-aq jeke turǵyn úılerdiń aýlalary sýǵa toldy.
Qazirgi ýaqytta BQO TJ departamentinde jedel shtab jumys istep jatyr.
«Oral qalasy men Báıterek aýdany Asan aýyly boıynsha 23 shaqyrtý tústi. Sonyń ishinde oblystyq kópbeıindi balalar aýrýhanasy men oblystyq estý qabileti buzylǵan balalarǵa arnalǵan mektep-ınternaty bar. Departament atalǵan jerlerde jergilikti atqarýshy organdar jáne»Batys sý arnasy«JShS-men birlesip sý sorý jumystaryn júrgizýde. Sonymen qatar qolaısyz aýa raıyna baılanysty qala boıynsha elektr qýaty ajyratylyp, 6434 abonent jaryqsyz qaldy. Qazirge deıin 1500 abonentke elektr jaryǵy qosyldy.»Batys Qazaqstan aımaqtyq elektr jelilerin taratý kompanııasy«JShS-nyń 23 qyzmetkeri qalpyna keltirý jumystaryn júrgizýde. Aldaǵy úsh kúnde jaýyn kóp mólsherde jaýyp, naızaǵaı oınaýy yqtımal. Osyǵan oraı TJ departamenti turǵyndarǵa qaýipsizdik erejelerin saqtaý kerektigin eske salady», dep habarlady vedomstvodan.