Oralda jańajyldyq sharalardy ótkizýge 14,1 mln astam teńge jumsalmaq

ORAL. QazAqparat - Oral qalasynda barlyq jańajyldyq sharalardy ótkizýge 14,153 mln teńge bólindi, dep habarlaıdy «QazAqparat» tilshisi.

Oral qalalyq mádenıet jáne tilderdi damytý bóliminen túsken málimetke qaraǵanda, sonyń ishinde 4 mln teńge jańajyldyq bezendirýge júmsalmaq. Bıiktigi 24 metr bas shyrsha jańa alańda ornatylmaq. Jańajyldyq shyrshalar sondaı-aq Abaı alańynda (15 metr), qalalyq mádenıet jáne demalys saıabaǵynda, Jaıyq ózeni jaǵalaýynda, «Lepestok», №20 orta mektep aldyndaǵy saıabaqtarda, Derkól kentinde boı túzemek. Oǵan qosa jańa alań, D.Nurpeıisova atyndaǵy kóshe alleıasy, M.Mámetova, S.Datuly alańdary, qala saıabaqtary bezendirilmek.

Jańajyldyq merekelik sharalar qalanyń barlyq mekemelerinde uıymdastyrylmaq. Shahar basshysynyń qaıyrymdylyq shyrshasy múgedek balalar, az qamtylǵan otbasylar balalary úshin 21-22 jeltoqsan kúnderi Jastar mádenıet úıinde ótpek. 31 jeltoqsan kúni keshkisin jańa alańda jańajyldyq merekelik qoıylym otshashýǵa ulaspaq. Osyndaı kontserttik baǵdarlama Abaı alańynda da qoıylmaq.

Aıta keteıik, ótken jyly jańajyldyq bezendirýge qalalyq mádenıet jáne tilderdi damytý bólimine 7,144 mln teńge berilgen bolatyn.