Oralda jańa jyl qarsańynda 216 otbasy baspanaly boldy
Qalanyń soltústik-shyǵys aýdanynda paıdalanýǵa berilgen toǵyz qabatty turǵyn úıdiń ashylý rásimine qatysqan oblys ákimi Ǵalı Esqalıevtiń aıtýynsha, budan birneshe jyl buryn Elbasy tapsyrmasyna sáıkes «Nurly jer» baǵdarlamasy qabyldanǵan bolatyn.
Soǵan sáıkes elimizdiń óńirlerinde jyl saıyn jańa úıler boı kóterýde.
«Bıylǵy jyldyń ózindik qıyndyqtary bolǵanymen, jaqsy jetistikter de az emes. Sonyń biri – «Nurly jer» baǵdarlamasy aıasynda paıdalanýǵa berilip jatqan turǵyn úıler. Osy jańa úıden 216 páterdiń 72-si kópbalaly otbasylardyń úlesine tıip otyr. Sondaı-aq jetim jáne múgedek balalary bar otbasylar, basqa da memleket qoldaýyn qajetsinetin, kezekte turǵan azamattar jańa jyl qarsańynda baspanaǵa qol jetkizdi. Páterler jalǵa berilse de, qoljetimdi, mysaly, eki bólmeli páter úshin aıyna 8 myń teńgedeı tóleıdi. Sondyqtan páter ıeleri birigip, óz ıgiligine berilgen baspanasyn taza ustaýy kerek», dedi óńir basshysy.
Turǵyn úıdi ýaqtyly bitirgen «Otdelstroı» qurylys-kommertsııalyq fırmasy» JShS atyna alǵys aıtyldy.
Jańa úıde 144 bir bólmeli, 72 eki bólmeli páter bar. Páterlerdiń jalpy alańy – 10320,48 sharshy metr.
Eske sala keteıik, budan buryn Oralda toǵyz qabatty jańa úıdiń paıdalanýǵa berilgenin jazǵan bolatynbyz.