Oralda World Money qarjy pıramıdasy jarty jylda 130 adamdy qataryna tartyp úlgergen
15:40, 13 Shilde 2023
ORAL. QazAqparat - QMA Batys Qazaqstan oblysy boıynsha departamenti «World Money» kompanııasynyń ókilderine qarjylyq pıramıda quryp, ony basqardy degen kúdikpen sotqa deıingi tergeý júrgizip jatyr, dep habarlaıdy QazAqparat.
Kompanııanyń mindetti sharttarynyń biri - 21 myńnan 53 myń teńgege deıingi qarajatty tólep, basqa qatysýshylardy, sonyń ishinde WhatsApp jáne Telegram arqyly adam tartý boldy.
2023 jyldyń qańtarynan búginge deıin qarjy pıramıdasyna 130 adam tartylǵan.
Aýmaqtyq departament oblystyq prokýratýranyń úılestirýimen kompanııanyń qyzmetin erte bastapqy kezeńde toqtatyp, aldanǵan salymshylardyń sanyn azaıtýǵa múmkindik berdi.
Sotqa deıingi tergeý jalǵasyp jatyr.
«Eger siz jáne sizdiń jaqyndaryńyz qarjy pıramıdasynyń qyzmetine tap bolsa, turǵylyqty jerińiz boıynsha ekonomıkalyq tergeý departamentine habarlasýyńyzdy suraımyz. Azamattardy qyraǵy bolýǵa jáne jınaqtaryn kúmándi qarjy ınstıtýttaryna salmaýǵa shaqyramyz» dep eskertedi agenttikten.