Oralda «WestKazInvest-2017» halyqaralyq forýmy ótýde
Shara qonaqtary men kásipkerlerdi Batys Qazaqstannyń ekonomıkalyq jetistikteri, ınvestıtsııalyq áleýeti jáne naqty jobalarymen tanystyrýdy kózdeıtin, eki kúnge sozylatyn jıynǵa sheteldik, sondaı-aq Reseıdiń kórshiles óńirlerinen, Astana, Almaty qalalarynan kompanııalar qatysýda.
Oqýshylar jáne jastar saraıynda forýmnyń ashylý rásimine qatysqan Batys Qazaqstan oblysynyń ákimi Altaı Kólginovtiń atap ótkenindeı, atalǵan jıyn Elbasy N.Á.Nazarbaevtyń bızneske qolaıly jaǵdaı jasaý jónindegi tapsyrmasyna sáıkes uıymdastyryldy. Memleket qoldaýy nátıjesinde Batys Qazaqstan óńirinde de ındýstrııalyq jobalar júzege asyrylýda. Mundaı forýmdar bıznestiń órkendeýine tyń múmkindikterge jol ashary anyq. «Qazaqstan-Reseı. Óńirlerdiń shekaralyq seriktestigi» kórmesine Orynbor oblysynyń delegatsııasy, Samara, Saratov óńirlerinen áriptester, halyqaralyq bıznes ókilderi qatysýda. «WestKazInvest» forýmy naqty jobalardy júzege asyrýǵa septesedi. Mysaly, ótken jylǵy jıyn qorytyndysyna sáıkes oblysta fın áriptestermen birlesken jobalar qolǵa alyndy. Kúni búgin osy zamanǵy esik-tereze shyǵaratyn óndiristi iske qosý jumystary júrgizilýde. Sonymen qatar bıyl Astanada ótken «EKSPO-2017» halyqaralyq kórmesinen keıin óńirde qatty turmystyq qaldyqtardy óńdeýde ozyq eýropalyq tehnologııany engizýdi kózdeıtin jobany júzege asyrý kózdelýde. Bıylǵy forýmda agroónerkásip kesheni men munaıgaz salasyn damytýda ınnovatsııalyq tásilderdi qoldaný, bızneske qarjy uıymdary tarapynan qoldaý kórsetý, kásipkerlik pen memlekettik salada jańa tehnologııalarǵa jol ashý, memlekettik qyzmetti tsıfrlandyrýǵa erekshe ekpin túsirilip otyr.
«Nurly jol» baǵdarlamasyna sáıkes óńir joldary retke keltirilip, tıisti ınfraqurylymymen birge jańa kóliktik-logıstıkalyq ortalyq salynýda. Keshe Astana men Almatydan «Tulpar-Talgo» júrdek poıyzy Oralǵa jol tartty. Bıyl Máskeý men Frankfýrtqa halyqaralyq reıster ashyldy. «Oral» áýejaıy termınalyn qaıta qurý josparda tur.
Infraqurylymnyń jaqsarýy saýda qatynastarynyń jaqsarýyna da yqpal etýde. Aıtalyq, BQO-nyń Eýrazııalyq ekonomıkalyq odaq elderimen taýar aınalymy 7 aıda 330 mln AQSh dollaryn qurasa, sonyń 310 mıllıony Reseıdiń úlesine tıedi. Qazirgi tańda óńirde 230-daı birlesken kásiporyn jáne 400 sheteldik kompanııa tabysty jumys jasaýda.
Forýmda Orynbor oblysynyń gýbernatory ıÝrıı Bergtiń málim etkenindeı, bul jıynnyń Orynbor, Samara syndy kórshiles óńirler úshin de mańyzy zor. Mysaly, Orynbordan forýmǵa elýden astam kásiporyn qatysýda. Olar óz ónimderin usynyp, batysqazaqstandyq áriptesterimen ózara yntymaqtastyq joldaryn talqylaıtyn bolady. Sonymen qatar qos óńirdiń balalarynyń da kezdesýine múmkindik jasaldy. Orynbor oblysynyń 2 myń shaqyrymdaı shekarasy Qazaqstanmen shektesedi. Bul dostyq shekarasy bolyp qala bermek.
Aıta keteıik, forým aıasynda «Munaı gaz sektory - ónerkásipti damytý draıveri», «Agroónerkásiptik keshen: Damý. Óńdeý. Eksport» jáne «Bıznestiń damý ınstıtýttary men halyqaralyq qarjy uıymdaryna qoldaý kórsetý quraldary» máselelerine arnalǵan úsh paneldik sessııa uıymdastyryldy. Sondaı-aq dóńgelek ústel basynda Batys Qazaqstan jáne Orynbor oblystarynyń kásipker áıelderi kezdesti. Oraldyń saýda jelileri ókilderi men aýyl sharýashylyǵy taýaryn óndirýshileri jáne óńdeýshileriniń iskerlik kezdesýleri boldy. Forým alańdarynda densaýlyq saqtaý, menedjmenttiń biriktirilgen júıeleri, olardy Biryńǵaı Eýropalyq ekonomıkalyq keńestikte qoldaný máseleleri boıynsha da basqosý ótedi.
Jıyn aıasynda birneshe kelisimge qol qoıylmaq.
Forým 28 qyrkúıek kúni márege jetedi.