Oralda ústel tennısin otyryp oınaıtyndar arasyndaǵy el chempıonaty aıaqtaldy

ORAL. QazAqparat – Oral qalasynda tirek-qımyl qozǵalys apparaty zaqymdanǵan sportshylar arasynda ústel tennısinen el chempıonaty máresine jetti, dep habarlaıdy QazAqparat tilshisi.

BQO múmkindigi shekteýli adamdarǵa arnalǵan sport klýbynyń dırektory Áskerbek Nurmuhanov málim etkenindeı, tórt kúnge sozylǵan jarys qorytyndysynda Atyraý oblysynyń komandasy birinshi orynǵa ıe boldy. Atyraýlyq ústel tennısi sheberleri 6,5 altyn, 2 kúmis, 2 qola medalǵa ıe boldy.

Pavlodarlyqtar 4 altyn, 1 kúmis, 3 qolamen ekinshi orynǵa kóterildi.

Elordalyqtar 3 altyn, 2 kúmis júldemen úzdik úshtikti túıindedi.

Úsh altyn alǵan Jetisý oblysy komandasy tórtinshi orynǵa taban tiredi.

Batysqazaqstandyqtar úshin bir qýanyshty jaıt, Gúlmıra Batpaqulova tirek-qımyl qozǵalys apparaty zaqymdanǵan sportshylar arasynda oblys tarıhynda alǵash ret Qazaqstan Respýblıkasynyń sport sheberi atandy.

«El birinshiligi taǵdyr talqysyna moıymaı, ústel tennısinen óner kórsetip júrgen sportshylardyń sheberligi ósip kele jatqandyǵyn kórsetti. Chempıonat qorytyndysyna sáıkes Qazaqstan quramasy jasaqtalady», - dedi QazAqparat tilshisine Á. Nurmuhanov.

Eske sala keteıik, budan buryn omyrtqasy zaqymdanǵan sportshylar arasynda ústel tennısinen el chempıonaty ótip jatqanyn jazǵan bolatynbyz.