Oralda «Urshyq patı» is-sharasy ótti

<p>ORAL. KAZINFORM<strong>&nbsp;</strong>&ndash; Búgin Oral qalasynyń&nbsp; Mádenıet jáne tilderdi damytý bólimine qarasty Jastar mádenıet saraıynyń uıymdastyrýymen qalalyq kórme zalynda Qolónershiler odaǵynyń múshesi, qolóner sheberi, &laquo;Urshyk&raquo; respýblıkalyq qoǵamdyq birlestiginiń prezıdenti Bıbigúl Laýbaıqyzynyń &laquo;Urshyq patı&raquo; is-sharasy ótkizildi.</p>

Іs-sharanyń maqsaty – ulttyq qundylyqtardy dáripteý, qolóner buıymdarynyń zamanaýı úlgisin qoldaný arqyly qolónershilerdiń jeke brendin qalyptastyrý, jastardyń ulttyq qundylyqtarǵa degen qyzyǵýshylyǵyn arttyrý.

Іs-sharada sheberlik saǵaty uıymdastyrylyp, qolóner buıymdary tanystyrylyp, qyz-kelinshekterge urshyq úıirýdiń qyr-syry kórsetildi.

Foto: Mádenıet jáne tilderdi damytý bólimi baspasóz qyzmeti

Ataýly is-sharaǵa Oral qalasy ákiminiń orynbasary Arsen Ǵubashev qatysyp, bastamanyń óskeleń urpaq úshin mańyzy zor ekenin jetkizdi. Sonymen qatar «Atameken» komıýnıtı ortalyǵynyń «Sáýlem-aı» ájeler ansambli men Aslan, Jasulan Zınedenovter óner kórsetti.

Foto: Mádenıet jáne tilderdi damytý bólimi baspasóz qyzmeti

Іs-shara sońynda Bıbigúl Kardenovaǵa oblys ákiminiń atynan alǵys hat pen estelik syılyq tabys etildi. Sheberlik saǵatyna qatysqan qala turǵyndary alǵan áserimen bólisip, «osy sekildi ulttyq qundylyqtardy nasıhattaıtyn is-sharalar kóbirek bolsa eken» degen izgi nıetin bildirdi.

Foto: Mádenıet jáne tilderdi damytý bólimi baspasóz qyzmeti

Foto: Mádenıet jáne tilderdi damytý bólimi baspasóz qyzmeti