Oralda Ulttyq ulandyqtar qorytyndy synaqtan ótti
«Tekserý barysynda jeke quramnyń jaýyngerlik daıarlyǵynyń deńgeıi, bólimshelerdiń kelisilgendigi, jaýyngerlik ázirlik jaǵdaıy, tárbıe jumysy, quqyqtyq tártip pen áskerı tártip, áskerler qyzmeti jáne áskerı qyzmettiń qaýipsizdigi, jeke quramnyń jumysy, qyzmetke jaramdylyǵy, qarý-jaraq pen áskerı tehnıka, sondaı-aq qol astyndaǵy qyzmetkerlerdi basqarýdyń tıimdiligi anyqtalady», – deıdi áskerı bólim komandıri, podpolkovnık Saǵyndyq Alqaıdarov.
Birneshe kún boıy áskerı qyzmetshiler jaýyngerlik, memlekettik-quqyqtyq, kásiptik, arnaıy, atý jáne dene shynyqtyrý daıyndyǵy boıynsha synaqtardan ótti. Árbir áskerı qyzmetshi teorııa júzinde ǵana emes, tájirıbe júzinde de synaldy.
Qorytyndy tekserý dástúr boıynsha saptyq tekseristen bastalyp, onda polktiń komıssııa músheleri áskerı qyzmetshilerdiń syrtqy kelbetin, jarǵyny bilýin, saptyq daıyndyǵyn jáne saptyq ándi oryndaýyn baǵalady.
«Suńqar» oqý-jattyǵý ortalyǵynyń bazasynda jeke quram qarýmen jumys isteý kezindegi qaýipsizdik talaptaryn, oq atý negizderi men erejelerin bilýin tekserý arqyly atys daıarlyǵy boıynsha normatıvterdi oryndady.
Atys daıyndyǵy boıynsha jeke quramnan synaq alynyp, qarýmen jumys isteý kezindegi qaýipsizdik talaptary, atý negizderi men erejeleri boıynsha bilimderi tekserildi. Atys shebinde kúndiz-túni Kalashnıkov avtomatynan jáne Makarov tapanshasynan baqylaý jáne oqý atý jattyǵýlary júrgizildi. Sonymen birge, shtab qyzmetkerleri qarý-jaraqty, magazın jabdyqtaryn tolyq qurastyrmaý jáne bólshekteý normalaryn oryndady.
Bólimniń stadıonynda jeke quram dene shynyqtyrý jattyǵýlarynan ótti, onda synalǵandar arqanmen tartylyp, 100 jáne 1000 metr qashyqtyqqa júgirdi.
«Qorytyndy tekserý nátıjesi 5517 áskerı bólimi áskerı qyzmetshileriniń jaýyngerlik ázirligi joǵary deńgeıde ekenin kórsetti», - delingen baspasóz qyzmetiniń málimdemesinde.