Oralda Ulttyq ulan jaýyngerleri joǵalǵan úsh jasar qyzdy tapty
13:56, 13 Maýsym 2018
ORAL. QazAqparat - Oralda Ulttyq ulan jaýyngerleri joǵalǵan úsh jasar qyzdy tapty, dep habarlaıdy QazAqparat tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, quramynda kishi serjant Dáýlet Qydyrǵalıev pen qatardaǵy jaýynger bar 5517-áskerı bólimniń toby qalanyń «Soltústik-shyǵys» shaǵynaýdanynda keshkisin jol boıynda qaraýsyz júrgen úsh jasar qyzdy baıqaıdy.
Baryp, jolyqqan kezde Narǵyzdyń adasyp júrgeni belgili boldy. Ulttyq jaýyngerleri kishkentaı qyzdy jaqyn mańdaǵy polıtsııa beketine tapsyrdy. Kóp uzamaı ol ata-anasynyń qolyna tabys etildi.
Joǵalǵan qyzdyń ákesi Serik Azamat 5517-áskerı bólim komandıri, podpolkovnık Maqsat Bóltirikovtiń atyna hat jazyp, jaýyngerlerge shynaıy rızashylyǵyn bildirdi. Al, atalǵan sarbazdar yntalandyrýǵa usynyldy.