Oralda Ulttyq ulan jaýyngerleri qarýmen júrgenderdi ustady

ORAL. QazAqparat - Oral qalasynda Ulttyq ulan jaýyngerleri qarýmen júrgen qos turǵyndy ustady, dep habarlaıdy «QazAqparat» tilshisi.

«Batys» óńirlik qolbasshylyǵynyń baspasóz qyzmetinen túsken málimetke qaraǵanda, 5517-áskerı bóliminiń qatardaǵy sarbazdary Igor Germes pen Oljas Qurban kóshe tynyshtyǵyn kúzetý kezinde Dostyq dańǵyly №160 úı mańynda ózderin dóreki ustaǵan eki jas jigitti baıqaǵan. Tártip saqshylaryn kórgen olar qashpaq bolǵanymen, qutyla almady.

Kýálardyń qatysýymen teksergen kezde 1998 jylǵy M. degen azamattyń belbeýiniń astynan tirkelmegen «Ýdar M-2» gazdy travmatıkalyq tapansha jáne 1 oq-dári tabylǵan.

Atalmysh oqıǵa boıynsha QR QK 287-babyna (qarýdy zańsyz saqtaý, alyp júrý) sáıkes qylmystyq is qozǵalyp, tergeý amaldary júrgizilýde.

Qyraǵylyq kórsetken jaýyngerler áskerı bólim komandıri tarapynan yntalandyryldy.