Oralda Ulttyq ulan úzdikteri marapattaldy

ORAL. QazAqparat - Búgin Ulttyq ulannyń «Batys» óńirlik qolbasshylyǵyna qarasty 5517-áskerı bóliminde QR Qarýly Kúshteriniń 25 jyldyǵyna jáne Uly Jeńistiń 72 jyldyǵyna oraı ashyq esik kúni ótkizildi, dep habarlaıdy «QazAqparat» tilshisi.

«Batys» óńirlik qolbasshylyǵynyń baspasóz qyzmetinen túsken málimetke qaraǵanda, meımandar áskerı tehnıkanyń jańa túrlerimen tanysty. Sondaı-aq «Batys» óńirlik qolbasshylyǵynyń mýzeıinde boldy.

Sap túzegen jeke quram aldynda sóz alǵan Batys Qazaqstan oblysynyń ákimi Altaı Kólginov memleket tarapynan Uly Otan soǵysy ardagerlerine qamqorlyq jáne Qazaqstan Qarýly Kúshterine jan-jaqty qoldaý kórsetilip otyrǵanyn jetkizdi. Memleket basshysy, Joǵarǵy Bas qolbasshy Nursultan Nazarbaev búgin Astanada ótken Qarýly Kúshterdiń 25 jyldyǵyna arnalǵan tarıhı  paradta jeriniń qaýipsizdigin, eliniń tynyshtyǵyn qorǵaý ár azamattyń qasıetti paryzy, abyroıly mindeti ekendigin, muny Táýelsiz Qazaqstan áskeri qaltqysyz oryndap kele jatqanyn atap ótti.

Saltanatty jıynda qoǵamdyq tártipti saqtaý, turǵyndardyń qaýipsizdigin qamtamasyz etýde óz mindetin múltiksiz atqaryp júrgen bir top áskerı qyzmetkerlerge І, ІІ, ІІІ dárejeli «Minsiz qyzmeti úshin» medaldary, alǵyshattar, basqa da marapattar tabys etildi.

Saltanatty sherýden keıin qol kúresinen áskerı jattyǵýlar, kınolog mamandar men qyzmettik ıtterdiń qatysýymen túrli kórinister kórsetildi. Merekelik shara Jastar mádenıet úıiniń ártisteri qoıǵan kontsertke ulasty.