Oralda túzetý mekemesinde 18-ge jańa tolǵan saılaýshy daýys berdi

NUR-SULTAN. QazAqparat – Oralda túzetý mekemesinde jasy 18-ge tolǵan saılaýshy alǵash ret daýys berdi, dep habarlaıdy QazAqparat tilshisi.

BQO qylmystyq-atqarý júıesi departamentiniń RÝ-170/1 mekemesindegi №464 jabyq saılaý ýchaskesinde osynda tirkelgen 185 saılaýshy tolyqtaı óz tańdaýyn jasady.

Іs-sharaǵa saılaý quqyǵy bar barlyq adam qatysty. Sonyń ishinde jýyrda 18 jasqa tolǵan jas saılaýshy da boldy.

Mekeme bastyǵy, ádilet podpolkovnıgi Magnıs Sabyrovtyń aıtýynsha, saılaý komıssııasynyń barlyq músheleri aldyn ala PTR testileýden ótti.

Saılaý kezinde betperde rejımi, áleýmettik araqashyqtyq saqtalyp, dezınfektsııalyq, ǵımarat ishin jeldetý jumystary júrgizildi.

«Ýchaskedegi daýys berý barysyn qoǵamdyq birlestik ókili baqylap otyrdy. 185 saılaýshynyń bári de Májilis pen máslıhat depýtattaryn saılaýǵa qatysyp, azamattyq ustanymdaryn bildirdi» deıdi Magnıs Sabyrov.

Eske sala keteıik, budan buryn Oralda saılaý sanıtarlyq talaptarǵa saı ótip jatqanyn jazǵan bolatynbyz.