Oralda turmystyq qaldyqtar polıgonynda órt áli byqsyp jatyr

<p>ORAL. KAZINFORM &ndash; 3 gektar aýmaqty qamtyǵan turmystyq qatty qaldyqtar polıgonyndaǵy órt byqsyp jatyr.&nbsp;</p>

BQO TJ departamentiniń baspasóz qyzmetinen málim etkenindeı, atalmysh órt keshe keshkisin bastalǵan edi. 

«Qazirgi kezde shamamen 3 gektar aýmaqta qoqys byqsýda. «Jaıyq taza qala» JShS-nyń teńgerimindegi polıgonnyń jalpy aýdany – 9,7 gektar, qoqystyń aýmaǵy – 5 ga. Polıgondaǵy órt búgin saǵat 03.22-de oqshaýlandy. Ony sóndirýge TJ departamentinen 92 adam, 12 tehnıka, polıtsııa departamentinen 4 adam, 2 tehnıka, «Jaıyq taza qala» JShS-dan 23 adam, 23 tehnıka, jergilikti atqarýshy organnan 2 adam, 1 tehnıka, ekologııa departamentinen 3 adam, 1 tehnıka qatysýda», - dep habarlady vedomstvodan.

Eske sala keteıik, budan buryn Oral men Aqsaı qalasynda qoqys polıgony órtenip jatqanyn jazǵan bolatynbyz.