Oralda turǵyn úıdegi órt saldarynan 42 jastaǵy er adam kóz jumdy

<p>Oral qalasynda turǵyn úıdegi órt saldarynan 42 jastaǵy er adam kóz jumdy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

BQO TJ departamentiniń baspasóz qyzmetinen málim etkenindeı, oqıǵa 16 jeltoqsan kúni Aqtóbe kóshesi 254-úıde boldy.

«Saǵat 04.03-te tórt páterlik bir qabatty úıde №2 páterde jeke zattar, tóbe jaqtaýy men shatyr otqa orandy. Órt 70 sharshy metrdi qamtydy. Asúıden 1981 jylǵy páter ıesiniń múrdesi tabyldy. «Tilsiz jaýdy» aýyzdyqtaýǵa jeke quramnan 21 adam 5 tehnıkamen jumyldyryldy. Jalyn saǵat 05.05-te oqshaýlanyp, 05.38-de tolyqtaı sóndirildi. Atalmysh úı 1965 jyly salynǵan. Aldyn ala málimet boıynsha órt otpen abaılamaýdan (temeki tartý kezinde) shyqqan», dep habarlady vedomstvodan.

Áleýmettik jelide turǵyndar atalǵan úıdiń súrilýge jatatynyn, onda turýdyń múmkin emestigin jazǵan.

Eske sala keteıik, budan buryn BQO-da turǵyn úıdegi órt ornynan eki adamnyń múrdesi tabylǵanyn jazǵan bolatynbyz.