Oralda túnde mas júrgender ustaldy
BQO polıtsııa departamenti baspasóz qyzmetinen túsken málimetke qaraǵanda, oqıǵa 8 qańtar kúni saǵat 02.45-te boldy.
Komendant talaby men tótenshe jaǵdaı rejımine qaramastan, «El Plaza» barynda jastardyń, sonyń ishinde jasóspirimderdiń emin-erkin saıran quryp júrgeni anyqtaldy. Olardyń birqatary mas kúıinde bolǵan.
Tártip saqshylary 19 adamdy Oral qalasy polıtsııa basqarmasyna jetkizdi. Oıyn-saýyq ortalyǵynyń qojaıyny men qyzmetkerleri de ustaldy.
Ustaý kezinde áıelder men jas qyzdar mas kúıinde balaǵat sózder aıtyp, polıtsııa qyzmetkerlerin arandatýǵa tyrysyp baqty.
Tótenshe jaǵdaı talabyn eskere otyryp, olardyń bári de jaýapqa tartylatyn bolady. Mundaı quqyqbuzýshylyqqa barǵandarǵa 10 AEK kóleminde aıyppul salynady nemese 15 táýlikke deıin ákimshilik qamaqqa alynady.