Oralda toǵyz qabatty úıdegi órtten 30 adam evakýatsııalandy

ORAL. QazAqparat – Oralda toǵyz qabatty úıdegi órtten 5 adam qutqarylyp, 30 adam evakýatsııalandy, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 22 qarasha kúni Qurmanǵazy kóshesi 210/1- mekenjaıynda boldy.

Saǵat 13.02-de 3 jáne 4 qabat arasyndaǵy elektr qalqany, sondaı-aq 3-ten 5 qabatqa deıin 9 metr elektr kabeli jandy.

TJ departamentiniń kúshimen 5 adam qutqarylsa, sonyń úsheýi – balalar. Oǵan qosa 30 adam shyǵaryldy, onyń tórteýi – balalar.

Zardap shekkender joq.

Órt saǵat 13.41-de oqshaýlanyp, 13.56-da sóndirildi. Qazirgi kezde órttiń shyǵý sebebi, keltirilgen shyǵyn, kináli adamdar anyqtalý ústinde.

Eske sala keteıik, budan buryn Oralda avtokólikten túk qalmaı janyp ketkenin jazǵan bolatynbyz.