Oralda toǵyzynshy qabattan qulaǵan 11 jastaǵy bala esin jıdy

<p>Oral qalasynda toǵyzynshy qabattan qulaǵan 11 jastaǵy bala esin jıdy, dep habarlaıdy<a href="https://kaz.inform.kz/" target="_blank" rel="noopener"> Kazinform.&nbsp;</a></p>

BQO Densaýlyq saqtaý basqarmasynyń baspasóz qyzmetinen málim etkenindeı, bala buǵan deıin qalalyq kópbeıindi aýrýhananyń jansaqtaý bóliminde jatqan edi.

«Bala esin jıǵannan keıin oblystyq kópbeıindi balalar aýrýhanasyna aýystyryldy. Qazir travmatologııa bólimshesinde, jaǵdaıy ortasha aýyrlyqta. Dárigerlerdiń qadaǵalaýynda, em alyp jatyr», - dep habarlady vedomstvodan.

BQO polıtsııa departamentiniń baspasóz qyzmeti oqıǵa boıynsha QR QK 105-baby 3-bóligine (ózin-ózi óltirýge deıin jetkizý) sáıkes sotqa deıingi tergeý amaldary jalǵasyp jatqanyn, basqa ózgeris joqtyǵyn jetkizdi.

Eske sala keteıik, budan buryn Oralda kópqabatty úıdiń terezesinen qulap ketken 11 jastaǵy balanyń jansaqtaý bóliminde jatqanyn jazǵan edik.