Oralda toǵyz qabatty úıden órt shyǵyp, 53 adam evakýatsııalandy
22:23, 29 Sáýir 2024
<p>ORAL. KAZINFORM – Oral qalasynda 9 qabatty úıde órt shyǵyp, 50-den astam adam evakýatsııalandy.</p>
BQO TJ departamentiniń baspasóz qyzmetinen málim etkendeı, oqıǵa 29 sáýir kúni saǵat 08.05-te Zachagan kentinde M.Móńkeuly kóshesi 85/2 mekenjaıynda boldy.
«Oral qalasynda kóppáterli turǵyn úıdiń 7-qabatyndaǵy páterlerdiń bireýinde aýmaǵy 18 sharshy metrdi qamtyǵan órt boldy. Jatyn bólmede jeke zattar men jıhaz otqa orandy. Dereý oqıǵa ornyna kelgen órt sóndirýshiler 53 adamdy, sonyń ishinde 18 balany evakýatsııalady. «Tilsiz jaý» saǵat 08.33-te oqshaýlanyp, 08.49-da aýyzdyqtaldy. Oǵan jeke quramnan 35 adam, 13 tehnıka jumyldyryldy. Zardap shekkender joq. Qazirgi kezde oqıǵanyń sebep-saldary anyqtalý ústinde» dep habarlady vedomstvodan.