Oralda Telegram arqyly veıp saýdasy qyzyp tur

<p>ORAL. KAZINFORM — Oral qalasynyń polıtseıleri arnaıy qoımadan 1099 veıp jáne oǵan arnalǵan 1300 suıyqtyq tárkiledi, dep habarlaıdy Polisia.kz. </p>

Oral qalalyq PB krımınaldyq polıtsııa bóliminiń jedel-izdestirý toby «Qarasora» jedel-profılaktıkalyq is-sharasy kezinde Telegram messendjeri arqyly veıp jáne olarǵa arnalǵan suıyqtyqty taratýmen aınalysqan 25 jastaǵy Oral qalasynyń turǵynyn ustady.

Ol veıpti kýrer arqyly jetkizgen. Veıp qoımasy qaladaǵy alkomarketterdiń birinde tabylǵan.

Foto: Polisia.kz

Tekserý kezinde odan 1099 veıp jáne 1300 suıyqtyq tabylyp, tárkilendi. Quny 10 mln teńgeden asady. 

Sonymen qatar polıtseıler satýǵa tyıym salynǵan elektrondy temekini zańsyz satýmen aınalysqan oblys ortalyǵynyń eki turǵynyn ustady.

Jeke tintý kezinde 10 elektrondy temeki jáne 1 qorap shegiletin suıyqtyq tabylyp, tárkilendi.

Sondaı-aq Batys Qazaqstan oblysy polıtsııa departamenti uıymdasqan qylmysqa qarsy kúres basqarmasynyń qyzmetkerleri Telegram kanal arqyly satýǵa tyıym salynǵan elektrondy temekilerdi zańsyz satýmen aınalysqan taksı júrgizýshisin ustady.

Foto: Polisia.kz

Odan 8 elektrondy temeki tárkilendi. Joǵaryda atalǵan faktiler boıynsha qylmystyq ister qozǵaldy. Tergeý júrip jatyr.

Shegilmeıtin temeki ónimderin, veıpterdi, hosh ıistendirgishter men suıyqtyqtardy satýǵa, taratýǵa, sondaı-aq olardy jarnamalaýǵa tyıym salý týraly zań kúshine engen kúnnen bastap, BQO polıtseıleri 1200 veıp pen 1500-den astam suıyqtyq tárkiledi.