Oralda tehnıkalyq qyzmet kórsetý stansasy qyzmetkerinen qarý-jaraq tárkilendi

<p>ORAL. KAZINFORM &ndash; &laquo;Quqyqtyq tártip&raquo; jedel aldyn alý is-sharasy barysynda BQO polıtsııa departamenti ekstremızmge qarsy is-qımyl basqarmasynyń qyzmetkerleri Oralda tehnıkalyq qyzmet kórsetý stansasy qyzmetkeriniń jumys ornynan qoldan jasalǵan 5,6 mm sholaq tapansha men qylyshqa uqsas buıymdy tárkiledi.</p>

BQO polıtsııa departamentiniń baspasóz qyzmetinen málim etkenindeı, sondaı-aq atalǵan turǵynnyń turǵylyqty mekenjaıynan optıkalyq kózdegishi bar pnevmatıkalyq vıntovka tabyldy.

«Atalǵan derek boıynsha qylmystyq is qozǵaldy. Saraptama qorytyndysyna sáıkes tárkilengen zattyń qoldan jasalǵan atys qarýy ekeni anyqtaldy. Tergeý amaldary júrgizilýde», dep habarlady vedomstvodan.

Foto: BQO Polıtsııa departamenti

Departamentten túsken málimetke qaraǵanda, 1-10 maýsym aralyǵynda oblysta «Quqyqtyq tártip» aıasynda 119 qylmys tirkeldi. Tyıym salynǵan zattardy alyp júrgeni jáne saqtaǵany úshin 22 azamat ustaldy, olardan 4 esirtki zaty, 13 atys qarýy, 229 oq-dári tárkilendi.

Atalǵan is-shara barysynda 4 111 ákimshilik quqyq buzýshylyqtyń joly kesildi, onyń ishinde 401-i – usaq buzaqylyq, 451-i – ishimdik ishý jáne qoǵamdyq orynda mas kúıde júrý. Sondaı-aq, kólik quraldaryn masań kúıde basqarǵan 33 júrgizýshi qolǵa tústi.

Foto: BQO Polıtsııa departamenti

Eske sala keteıik, budan buryn Batys Qazaqstanda joǵalyp ketken 18 jastaǵy jigittiń sharýa qojalyǵynan tabylǵanyn jazǵan bolatynbyz.