Oralda tanysyn pyshaqtaǵan turǵyn 5,6 jylǵa sottaldy

<p>ORAL. KAZINFORM &ndash; Oral qalalyq sotynda QR QK 106-baby 1-bóligine sáıkes aıyp taǵylǵan R-ǵa qatysty úkim shyqty.</p>

BQO sotynyń baspasóz qyzmetinen málim etkenindeı, atalǵan er adam óziniń saıajaıynda bolǵan kezde burynnan tanys K-ǵa qońyraý shalyp, aýlada kómek kórsetýge shaqyrǵan. 

Sottyń málimetine qaraǵanda, jumys bitkennen keıin R. jáne K. alkogoldik ishimdikter ishken kezde ekeýiniń arasynda janjal týyndap, tóbeleske ulasqan. R. tanysynyń densaýlyǵyna qasaqana aýyr zııan keltirý maqsatynda asúı pyshaǵymen birneshe ret soqqy jumsaǵan. Saldarynan jábirlenýshi qatty aýyrsynyp, edenge qulaǵan. R. jáne K. kıkiljińdi joıý maqsatynda alkogoldik ishimdikti ishýdi jalǵastyrǵan. 

Kelesi kúni K. qalalyq kópbeıindi aýrýhanaǵa júginip, oǵan dıagnoz qoıylyp, densaýlyǵyna aýyr zııan keltirilgeni anyqtalǵan.

«Sot otyrysy barysynda sottalýshy óz kinásin moıyndamady. Sot QR QK 106-baby 1-bóligine sáıkes R-ny aıypty dep tanyp, 5 jyl 6 aıǵa bas bostandyǵynan aıyrý jazasyn qaýipsizdigi barynsha joǵary qylmystyq-atqarý júıesi mekemesinde óteýge úkim shyǵardy», dep habarlady vedomstvodan.

Eske sala keteıik, budan buryn BQO-da adam ólimine sebepker bolǵan júrgizýshiniń eki jylǵa sottalǵanyn jazǵan edik.