Oralda syrǵanaq teýip júrgen 17 jasar qyz aýyr jaraqat aldy
BQO polıtsııa departamentiniń baspasóz qyzmetinen málim etkendeı, oqıǵa 28 qańtarda Ysqyryq taýyndaǵy syrǵanaqta bolǵan.
«Shamamen saǵat 22.00-de syrǵanaq teýip júrgen kámeletke tolmaǵan 2005 jylǵy qyzdy tros soqqan. Sonyń saldarynan qyz ishtiń jabyq jaraqatyn alǵan, baýyryna zaqym kelip, oń jaqtaǵy úsh qabyrǵasy synǵan. Qyz 29 qańtar kúni saǵat 01.34-te oblystyq kópbeıindi balalar aýrýhanasyna jetkizildi. Qazirgi kezde oqıǵanyń jaı-japsary anyqtalý ústinde. Atalǵan derek sotqa deıingi tergep-tekserýdiń biryńǵaı tiziliminde tirkeldi. QR QK 306-babyna sáıkes qylmystyq is qozǵaldy» dep habarlady vedomstvodan.
BQO densaýlyq saqtaý basqarmasy baspasóz qyzmetiniń naqtylaýynsha, oqıǵa «Saıan» demalys bazasynda bolǵan.
Qyzdyń eki jaǵynan da birneshe qabyrǵasy synǵan, baýyrynda gematoma, travmatıkalyq shok alǵan. Qazir balalar aýrýhanasynyń jansaqtaý bóliminde.
Eske sala keteıik, budan buryn Oralda bir kúnde eki kisi ólimi tirkelgenin jazǵan bolatynbyz.