Oralda sút zaýyty aýdanynda konteıner janyp ketti

<p>Oral qalasynda sút zaýyty aýdanynda konteıner janyp ketti, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

BQO TJ departamentiniń baspasóz qyzmetinen málim etkenindeı, oqıǵa 20 jeltoqsan kúni Sh.Aıtalıev atyndaǵy kóshe 9-mekenjaıynda boldy.

Foto: BQO TJ departamenti

«Saǵat 11.16-da «Bereke» BQO sút kombınaty aýmaǵynda bólek turǵan konteıner otqa orandy. «Tilsiz jaý» saǵat 11.38-de oqshaýlanyp, 11.48-de aýyzdyqtaldy. Zardap shekkender joq. Oqıǵa ornynda jeke quramnan 6 adam (2 tehnıka) jumys jasady», dep habarlady vedomstvodan.

BQO TJ departamentiniń bastyǵy Ernur Ótegenovtiń óńirlik kommýnıkatsııalar qyzmeti alańynda ótken brıfıngte málim etkenindeı, atalmysh oqıǵaǵa deıin oblys aýmaǵynda 554 órt tirkelip, saldarynan 10 adam (2022 jyly – 7, ósim – 42,8 paıyz) qaza taýyp, 9-y (2022 jyly – 6, 50 paıyzǵa kóp) túrli jaraqat aldy.

Foto: BQO TJ departamenti

Órtten 157 mln 750 myń teńge (ótken jylǵydan 26 paıyzǵa kem, 213 mln 138,7 myń teńge) shyǵyn keltirildi.

«Ótken jyldyń osy kezeńimen salystyrǵanda, órt sanynyń 3,9 paıyzǵa (2022 jyly – 533) óskeni baıqalady. Sonyń ishinde 340-y turǵyn úı sektorynda boldy, bul ótken jylǵydan (329) 3,3 paıyzǵa artyq. Órt shyǵýynyń negizgi sebepteri – elektr symdarynyń qysqa tuıyqtalýy, otpen abaı bolmaý, peshterdi ornatý jáne paıdalaný kezinde órt qaýipsizdigi erejelerin buzý, órteý, sondaı-aq balalardyń otpen oınaýy. Aldaǵy jańajyldyq merekeler kezinde de órt qaýipsizdigi erejelerin qatań saqtaý qajet», dedi E.Ótegenov.

Foto: BQO TJ departamenti

Eske sala keteıik, budan buryn BQO-da muzdaqqa baılanysty respýblıkalyq jolda shekteý qoıylǵanyn jazǵan edik.

Foto: BQO TJ departamenti