Oralda sýǵa ketken 2600-den astam turǵyn úıge tehnıkalyq tekserý jumystary júrgizildi

<p>ORAL. KAZINFORM &ndash; Oralda sý tasqynyna baılanysty keltirilgen materıaldyq shyǵyndy esepteý jónindegi qalalyq komıssııanyń kezekti 10-otyrysy ótkizildi.</p>

Oral qalasy ákiminiń orynbasary Azamat Halelovtiń málim etkenindeı, kúni búginge deıin 10 myńnan astam materıal qaralyp, 400 turǵyndy úımen qamtamasyz etý jóninde sheshim qabyldandy. Onyń sózine qaraǵanda, jalǵyz baspana dep tanylǵan 4500-den astam úıdiń 2600-den astamyna tehnıkalyq tekserý jumystary júrgizildi.

«Sonymen qatar búlingen múlikti baǵalaý jóninde 10 myńnan astam ótinim tústi. Qazirgi tańda 2500-den astam úı boıynsha múlik baǵalanyp, tıisti tólem júrgizilip jatyr. Basqa saıajaı úıleri boıynsha da tehnıkalyq tekserý jáne múlikti baǵalaý jumystary jalǵasyp jatyr», - dedi A.Halelov.

Oral qalasynda osy kezge deıin saıajaıdaǵy jalǵyz úıin sý basqan 71 otbasyna baspana berildi.

Eske sala keteıik, budan buryn Oralda baspanasy sýǵa ketken saıajaı turǵyndaryna 62 úı berilgenin jazǵan bolatynbyz.